Lævís áróður

Augljóslega eru einhverjir spunameistarar á ferli sem halda því fram að óhætt sé að samþykkja Icesave reikninginn upp á þrjá og hálfan milljarð punda vegna þess að það komi aldrei til þess að við borgum. Með öðrum orðum okkur verði gefið þetta eftir þegar fjær dregur. Þetta er afar varhugaverður málflutningur og ábyrgðarlaust tal. Þeir sem tala svona hafa ekkert fyrir sér í slíkum málflutningi. Í þessu gildir eins og öðru að maður stendur við réttmætar skuldbindingar og skrifar ekki upp á ábyrgð sem maður getur eða vill ekki veita. Allra síst ef þær eru ósanngjarnar að bestu manna yfirsýn.