Annasöm helgi

Jæja þá er Kanadastúlkan farin frá okkur. Hún er búin að vera hér á landi á vegum Rotary ásamt fjórum öðrum löndum sínum. Enduðum hér í gærkvöldi eftir að hafa snætt á Við Tjörnina. Þetta voru hressir krakkar öll, en eru orðin lúin á ferðalaginu. Tvö þeirra borða ekki kjöt eða fisk þannig að það var einungis baunaréttur fyrir þau. Þetta virðist færast í aukana hjá ungu fólki að það vilji ekki kjötrétti. En það er víst ekkert við því að segja annað en að það er þá meira handa okkur hinum sem viljum kjötið og fiskinn.